FitsAir ගුවන්ගමන්හිදී මගීන්ට අන්තර් ගුවන් සේවා–ආහාර සැපයීම සඳහා අනුමැතිය ලබා ගනී

ශ්‍රී ලංකාවේ ප්‍රමුඛතම අඩු වියදම් ගුවන් සේවාව වන FitsAir, ගුවන් මගීන් සඳහා ලබා දෙන සේවාවන්හි තවත් සුවිසල් පියවරක් සනිටුහන් කරමින් ගුවන් මගීන් වෙත තමන්ගේම ආහාර පිරිනැමීම සඳහා අනුමැතිය හිමි කර ගැනීමට පසුගියදා සමත් වුණා.

ගුවන් මගීන්ට අවම වියදමකින් ජාත්‍යන්තර සංචාරක අවස්ථාවන් උදා කර දීමේ FitsAirහි දැක්ම අනුව යමින් ගුවන් මගීන් වෙත ලබා දීමට නියමිත මෙම සේවාව හේතුවෙන් සිය විශිෂ්ටත්වය යළි යළිත් විදහා දැක්වීමේ අවස්ථාව FitsAir වෙත උදා වනු ඇති.

මේ යටතේ මගීන්ගේ වියදම් කිරීමේ හැකියාවට සරිලන අයුරින් විවිධත්වයෙන් යුත් ආහාර තෝරා ගැනීමේ අවස්ථාව සළසා දීමට FitsAir හි ආහාර සැපයුම් කාර්ය මණ්ඩලය කටයුතු කර තිබෙනවා.

ගුවන් ගමන් සඳහා වඩාත් ගැලපෙන ආහාර වට්ටෝරුවලින් සුසැදි මෙම ආහාර කාණ්ඩයන් මගීන්ගේ වියදමට සරිලන වටිනාකමක් එක් කරනු ලබන්නේ ඔවුන් කැමතිම ආහාරයන් රස විඳීමේ අවස්ථාවද සලසා දෙමින්

මීට අමතරව ඔවුන් විසින් ලබා දෙන කෙටි ආහාර වර්ග මෙන්ම අත්‍යාවශ්‍ය පාන හා අනෙකුත් ප්‍රණීත ආහාර ගුවන් ගමන පුරා මඟීන්ට නැවුම් ප්‍රබෝධයක් එක් කරනු නිසැකයි.

FitsAir සිය ආහාර වට්ටෝරුව සඳහා දේශීය ආහාර වර්ග රැසක් මෙන්ම දේශීය වෙළෙඳ නාම එක් කිරීමට කටයුතු කර ඇත්තේ ශ්‍රී ලාංකිකයින් හට ගුවන් යානයට ඇතුලු වූ මොහොතේ සිට තමන්ගේ නිවසේ සිටින්නාක් වැනි හැඟීමක් ඇති කිරීම උදෙසායි.

මේ සම්බන්ධයෙන් FitsAir හි විධායක අධ්‍යක්ෂ අම්මාර් කාසිම් මහතා දැක්වූ අදහස්,

 “අපගේ මගීන් වෙත අපගේම ආහාර ලබා දීම වෙනුවෙන් වන ආහාර සැපයුම් සහතිකය සඳහා පහසුකම් සැලසීම සම්බන්ධයෙන් සිවිල් ගුවන් සේවා අධිකාරියට අපගේ ස්තුතිය පුද කර සිටිනවා. සෑම විටම අඩු වියදම පිළිබඳව අවධානය යොමු කර සිටින අපගේ ගුවන් සේවාව තුළින් එය මනාව ප්‍රදර්ශනය කිරීමට අපට හැකිවී තිබෙනවා. මෙම ආහාර සැපයීමේදී අපි එය තව දුරටත් ඉදිරියට ගෙන යාමට කටයුතු කර ඇත්තේ මගීන්ට තමන්ගේ වියදමට ගැලපෙන ආකාරයේ හොඳම ආහාර වට්ටෝරුවක් ලබා ගැනීමේ අවස්ථාව සළසා දෙමිනුයි. ඒ සඳහා සුවිශේෂී ශ්‍රී ලාංකේය කෙටි ආහාර හා ආහාර වට්ටෝරුවක් අප සතුයි. මෙහිදී ආහාරවල මිල වගේම ගුණාත්මක භාවය පිළිබඳවත් අපි වැඩි අවධානයක් යොමු කර ඇති බවත් විශේෂයෙන් මතක් කළ යුතුයි.”

මෙම සේවාව ආරම්භ කිරීම තුළින් FitsAir ගුවන් මගීන්ට තවත් නවමු අත්දැකීමක් එක් කර ගැනීමේ අවස්ථාව උදා වන අතරම තොග කළමනාකරණය, නාස්තිය අවම වීම හා ගුවන් ගමන් අතර කාලය කඩිනම් කිරීම වැනි ප්‍රතිලාභයන්ද අත්කර දෙනු ලබනවා.

 සියලු සංචාරකයින්ගේ වියදම්ද අවම කිරීමේ FitsAir හි අරමුණද මේ තුළින් තව තවත් සාක්ෂාත් වේ.

විශේෂයෙන් සිය ගුවන් මෙහෙයුම්හි තීරණාත්මක සාධකයන් මනාව කළමනාකරණය කරමින් ගමනාන්තයන් හා සේවාවන් තව දුරටත් පුළුල් කිරීමට අපේක්ෂා කරන FitsAir මගී ආරක්ෂාව හා ඉහළ ගුණාත්මක සේවා සහතිකය නිරන්තරයෙන් ප්‍රමුඛත්වයෙහිලා සලකනු ලබනවා.

විශේෂයෙන් ගුවන් මගීන් සඳහා ආහාර සකස් කිරීමේදී දැඩි සනීපාරක්ෂක ප්‍රමිතීන් අනුගමනය කරන FitsAir සිය ආහාර සැපයුම් කාර්ය මණ්ඩලය සඳහා මනා පුහුණුවක් සහතික කිරීම වෙනුවෙන් ආයෝජනය කිරීමට කැපවන බවද සියලු මගීන් වෙත සහතික කර සිටිනවා.

LEAVE A REPLY

Please enter your comment!
Please enter your name here

Latest

More articles