Thai Airways ශ්‍රී ලංකා ගුවන් ගමන් යළි ඇර​ඹේ

තායිලන්තයේ ජාතික ගුවන් සේවය වන “Thai Airways” ඉන්දියානු සාගරයේ මුතු ඇටය සහ නිරිතදිග පැසිෆික් කලාපය සම්බන්ධ කරමින් කොළඹට සෘජු ගුවන් ගමන් නැවත ආරම්භ කරන බව නිවේදනය කර තිබෙනවා.

තායිලන්තය ආසියානු කලාපයේ ප්‍රසිද්ධ විවේක ගමනාන්තයක් වන අතර බැංකොක් අගනුවර විනෝදාස්වාදය, විශිෂ්ට ආහාර, ඉතිහාසය හා සංස්කෘතිය සඳහා ප්‍රසිද්ධවනවා.

බැංකොක් යනු සංචාරක ව්‍යාපාරයට පමණක් නොව ආගමික, ආර්ථික සහ වෙළඳ කටයුතු සඳහාද ජනප්‍රිය කේන්ද්‍රස්ථානයක්.

COVID-19 වසංගතය සහ පසුගිය වසරේ මැයි මාසයේදී ශ්‍රී ලංකාවේ ආර්ථික ප්‍රශ්න සහ ඉන්ධන නොමැතිකම හේතුවෙන් Thai Airwaysහි ක්‍රියාකාරිත්වය වසර 3 කට අත්හිටුවා තිබුණු අතර නැවත ගුවන් ගමන් ආරම්භ කිරීම ශ්‍රී ලංකා වෙළඳපොළට නැවත ප්‍රවේශ වීම සනිටුහන් කරනු ලබනවා.

කෙසේවෙත​ත් වසංගතය පුරාවටම Thai Airways ශ්‍රී ලංකාවට P2C වරලත් ගුවන් ගමන් සමඟ අත්‍යවශ්‍ය භාණ්ඩ ප්‍රවාහන සේවා පවත්වාගෙන යාමේ ප්‍රධාන කාර්යභාරයක් ඉටු ක​ළා.

මෙම ගුවන් සේවය ආසියාව, ඔස්ට්‍රේලියාව, මැද පෙරදිග, ස්කැන්ඩිනේවියාව සහ යුරෝපයේ ගමනාන්ත 60කට වැඩි ගණනකට ක්‍රියාත්මකවනවා.

ගුවන් ගමන් 2024 මාර්තු 31 සිට පැමිණීමට සහ 2024 අප්‍රේල් 01 වන දින පිටත් වීමට සැලසුම් කර තිබෙනවා.

මෙම මාර්ගය ඔස්සේ දිනපතා ගුවන් ගමන් ක්‍රියාත්මක කරනු ඇති අතර උදෑසන කොළඹ සිට පිටත්ව බැංකොක් වෙත ළඟා වන අතර එමගින් සංචාරකයින්ට ඔවුන්ගේ ගමනාන්තයේ වැඩි කාලයක් ගත කිරීමට හැකි වනවා.

තායිලන්තයෙන් ඔබ්බට සම්බන්ධක ගුවන් ගමන් ඇති මගීන්ට ක්ෂණික සම්බන්ධක ගුවන් ගමන් සමඟ සූක්ෂම ගමනක් මේ තුළින් අත්විදිය හැකියි.

තායිලන්තය ශ්‍රී ලාංකිකයින් වඩාත් කැමති විවේක ගමනාන්තයක් වන අතර ආසියාව, ඕස්ට්‍රේලියාව සහ කොරියාව-ජපානය සම්බන්ධ කරන පහසු සංක්‍රමණ මධ්‍යස්ථානයක්.

එය තවදුරටත් යුරෝපයට සහ ස්කැන්ඩිනේවියාවට සම්බන්ධ කිරීමේ ස්ථානයක් ලෙසද කටයුතු කරනු ලබනවා.

LEAVE A REPLY

Please enter your comment!
Please enter your name here

Latest

More articles