මෙර​ට සංචාරක කර්මාන්තය ප්‍රවර්ධනයට එමිරේට්ස් සිය උපාය මාර්ගික හවුල්කාරීත්වය දීර්ඝ කරයි

ශ්‍රී ලංකාවේ සංචාරක කර්මාන්තය ප්‍රවර්ධනය කිරීමට සිය අඛණ්ඩ කැපවීම නැවත වරක් සනාථ කරමින් එමිරේට්ස් ගුවන් සමාගම ශ්‍රී ලංකා සංචාරක ප්‍රවර්ධන කාර්යාංශය සමඟ ඩුබායි හි 2024 ඇරේබියන් ට්‍රැවල් මාකට් හිදී අවබෝධතා ගිවිසුමකට එළඹ තිබෙනවා.

මෙම අවබෝධතා ගිවිසුම ශ්‍රී ලංකාවේ සංචාරක කටයුතු අමාත්‍ය හරීන් ප්‍රනාන්දු මහතා සහ එමිරේට්ස්හි විධායක උප සභාපති නබීල් සුල්තාන් මහතා ඉදිරියේ එමිරේට්ස් ගුවන් සමාගමේ අංශයේ ජ්‍යෙෂ්ඨ උප සභාපති වාණිජ මෙහෙයුම් – බටහිර ආසියාව සහ ඉන්දියානු සාගර කලාපය අහ්මඩ් කූරි මහතා සහ ශ්‍රී ලංකා සංචාරක ප්‍රවර්ධන කාර්යාංශයේ සභාපති චාලක ගජබාහු මහතා විසින් අත්සන් කරනු ලැබුවා.

ශ්‍රී ලංකාව වසර 38 ක් පුරා ගුවන් සේවා සපයන එමිරේට්ස් සමාගම මෙම ගිවිසුම තුළින් මෙරට සංචාරක න්‍යාය පත්‍රයට සහයෝගය දක්වනු ඇති.

සංචාරකයන් ආකර්ෂණය කර ගැනීම සඳහා නිර්මාණය කර ඇති විශේෂ පැකේජ සංවර්ධනය කිරීම සහ ප්‍රධාන වෙළෙඳපොළවලින් දැනුවත් කිරීමේ චාරිකා හරහා එමිරේට්ස් විසින් ශ්‍රී ලංකාවේ සංචාරක පැමිණීම් සහ පුළුල් සංචාරක ආර්ථිකයට අඛණ්ඩව දායක වනු වනු ලබනවා.

2023 වර්ෂයේ දී ශ්‍රී ලංකාවට සංචාරකයින් මිලියන 1.4කට වැඩි සංඛ්‍යාවක් පැමිණි අතර එමිරේට්ස් විසින් දිවයිනට පැමිණෙන සංචාරකයන් ප්‍රවාහනය කිරීමේ දී ප්‍රධාන කාර්යභාරයක් ඉටු කරන ලදී.

ඉන්දියන් සාගර කලාපයට සහය දැක්වීමේ පුළුල් ප්‍රයත්නවල කොටසක් ලෙස එමිරේට්ස් සිය ගෝලීය ජාලය හරහා පාරිභෝගිකයන්ට ගමනාන්තයන් ප්‍රදර්ශනය කිරීමට උපකාර කිරීම සඳහා ප්‍රධාන උපාය මාර්ගික වෙළෙඳපොළවල සංචාරක නියෝජිතයන් සහ සංචාරක ඒජන්තවරුන් සමඟ සමීපව කටයුතු කරනු ලබනවා.

එමිරේට්ස් ගුවන් සමාගමේ ජ්‍යෙෂ්ඨ උප සභාපති වාණිජ මෙහෙයුම් – බටහිර ආසියාව සහ ඉන්දියානු සාගර කලාපය අහ්මඩ් කූරි මහතා ප්‍රකාශ කළේ ශ්‍රී ලංකාව එමිරේට්ස් මෙහෙයුම් දියත් කළ පළමු ගමනාන්තවලින් එකක් වීම සහ මෙරට සමඟ සමාගමේ වසර 38ක සබඳතාවය ආඩම්බරයට කරුණක් බවයි.

එමෙන්ම දෙපාර්ශවය අතර සම්බන්ධතාවන් ශක්තිමත් කිරීමට එමිරේට්ස් ජාලයේ ප්‍රධානගමනාන්තයක් ලෙස ශ්‍රී ලංකාව ප්‍රවර්ධනය කිරීමටත් මගී සහ භාණ්ඩ ප්‍රවාහන සේවා හරහා සංචාරක සහ වෙළෙඳ ක්ෂේත්‍රවල සංවර්ධනයට දායක වීමට කැපවී සිටින බවත් ඒ මහතා තවදුරටත් කියා සිටියා.

මෙහි​දී ශ්‍රී ලංකා සංචාරක ප්‍රවර්ධන කාර්යංශයේ සභාපති චාලක ගජබාහු මහතා දැක්වූ අදහස්,

“අපගේ ප්‍රධාන වෙළෙඳපොළවලට මෙන් ම නැඟී එන වෙළෙඳපොළවල් සමඟ එමිරේට්ස් ගුවන් සමාගමට සමීප සම්බන්ධතාවයක් ඇති බැවින් ශ්‍රී ලංකාවේ ගමනාන්තය ප්‍රවර්ධනය කිරීම සඳහා එමිරේට්ස් සමඟ සහයෝගයෙන් කටයුතු කිරීමට ලැබීම පිළිබඳ සතුටු වන අතර එමිරේට්ස් හි සහය ඇතිව අපගේ සුවිශේෂී සංචාරක අත්දැකීම් ලොවට ප්‍රදර්ශනය කිරීමට කටයුතු කරන්නෙමු,”

ගෝලීය ගමනාන්ත 130කට අධික සංඛ්‍යාවකට ශ්‍රී ලංකාව සම්බන්ධ කරන එමිරේට්ස් ගුවන් සමාගම 1986 වර්ෂයේ සිට මෙරට ගුවන් ගමන් ක්‍රියාත්මක කර තිබෙනවා.

Boeing 777-300ER වර්ගයේ ගුවන්යානා භාවිත කරමින් කොළඹට දෛනික සෘජු ගුවන් ගමන් දෙකක් මෙන්ම මාලේ හරහා අමතර දෛනික ගුවන් සේවාවක් ද එමිරේට්ස් සපයනු ලබනවා.

මගීන්ට උසස් මට්ටමේ සුවපහසුවක් ලබා දෙන එමිරේට්ස් ශ්‍රී ලංකාවට පළමු පන්තියේ ගුවන් සේවා සම්පාදනය කරන එකම ජාත්‍යන්තර ගුවන් සමාගමයි.

LEAVE A REPLY

Please enter your comment!
Please enter your name here

Latest

More articles